ABŞ-dən qəti xəbərdarlıq: "İran neftini alan hər kəs məhkəməyə veriləcək"

ABŞ Ədliyyə Nazirliyi sanksiyaya məruz qalmış İran neftini alan və ya satan bütün tərəfləri məhkəmə məsuliyyətinə cəlb etməyi planlaşdırır.

AJMEDIA.NEWS xəbər verir ki, bununla bağlı ABŞ-nin baş prokuroru səlahiyyətlərini icra edən Todd Blanş özünün "X" sosial media platformasında açıqlama verib.

"Ədliyyə Nazirliyi sanksiyalı İran neftinin alqı-satqısı ilə məşğul olan hər kəsi birmənalı şəkildə məhkəməyə verəcək", - deyə o bildirib.

Qeyd edək ki, bundan əvvəl ABŞ Prezidenti Donald Tramp İran üçün dənizdə "tam blokada" rejimini formalaşdırmaq istədiyini bildirmişdi. Bu da ötən ilin sonlarında Venesuelaya qarşı atılan analoji addımları xatırladır.