Azərbaycanlı idmançı Rusiya vətəndaşlığından ÇIXARILDI

Cavid Rzayev Rusiya vətəndaşlığından çıxarılıb.

AJMEDİA.NEWS xəbər verir ki, Pop-MMA üzrə azərbaycanlı döyüşçü Cavid Rzayev Rusiya vətəndaşlığından məhrum edilib.

Məlumata görə, güya Cavid Rzayev rusları təhqir edib.

Xəbərdə qeyd olunur ki, o ötən il iyul ayında baş tutan Pop-MMA turnirində rinqdə digər döyüşçüyə "rus donuzu" deyə səslənib. Bildirilir ki, hadisədən sonra Rzayev emosiyalarına hakim ola bilmədiyini bildirib və üzr istəyib.

Rusiya hakimiyyəti bu davranışı qəbulolunmaz sayaraq onu ölkədən çıxarmaq qərarı verib. Beləliklə, Cavid Rzayevin Rusiya ərazisindən deportasiyası gözlənilir.