BƏƏ və İran arasında danışıqlar aparıldı - Müharibə başlayandan bəri İLK DƏFƏ

Birləşmiş Ərəb Əmirlikləri (BƏƏ) və İranın milli təhlükəsizlik məsələlərinə cavabdeh olan yüksəkvəzifəli nümayəndələri ABŞ ilə İsrailin İrana qarşı hərbi əməliyyatı başlayandan bəri ilk dəfə görüş keçiriblər.

AJMEDIA.NEWS xəbər verir ki, bu barədə "Bloomberg" mənbələrə istinadən məlumat yayıb.

Agentliyin məlumatına görə, bu həftə baş tutan danışıqlar hər iki tərəfin daha sabit ikitərəfli münasibətlərə ehtiyac olduğunu dərk etməsi fonunda mümkün deeskalasiyaya dair diqqətçəkən bir siqnal olub. Qeyd olunur ki, təşəbbüs əsasən gərginliyi azaltmağa və Tehranla dialoqu bərpa etməyə çalışan Əbu-Dabidən gəlib.

Mənbələr vurğulayır ki, hazırda BƏƏ hakimiyyəti diqqəti öz iqtisadiyyatı və milli təhlükəsizliyi üçün risklərin minimuma endirilməsinə yönəldib. Bildirilib ki, bu yanaşma Əbu-Dabinin münaqişənin ilkin mərhələlərində tutduğu daha sərt mövqeyə ziddir.