Xəzərdə atəş səsləri - DSX və Baş Prokurorluq birgə məlumat yaydı - VİDEO
4 dəqiqə əvvəlBritaniya Ramzan Kadırovun anasına sanksiya tətbiq etdi
04 Sentyabr 2025 11:20 | Baxış sayı: 248
Böyük Britaniya yeni sanksiya siyahısını açıqlayıb.
AJMEDİA.NEWS xarici agentliklərə istinadən xəbər verir ki, siyahıya 8 fiziki şəxs və 3 təşkilat daxil edilib.
Onların arasında Putinin təşəbbüsü ilə yaradılan “Birincilərin hərəkatı”, “Qələbə könüllüləri” təşkilatı, həmçinin Axmat Kadırov Fondu və həmin fonda rəhbərlik edən Çeçenistan rəhbəri Ramzan Kadırovun anası Aymani Kadırova da var.
Bundan başqa, sanksiya siyahısına Tatarıstanın baş nazirinin müavini Leyla Fazleyeva, Tatarıstanın gənclər naziri Rinat Sadıkov, Çeçenistan xüsusi təyinatlı qüvvələrinin polk komandiri Zamid Çalayev, Federal yeniyetmələr mərkəzinin rəhbəri Valeri Mayorov, Təhsil Nazirliyinin departamentlərindən birinin direktor müavini Anastasya Akkuratova, Xerson humanitar qərargahının rəhbəri Natalya Tişenko və fəaliyyəti dəqiq göstərilməyən Aleksandr Qurov daxil edilib.
