Demokratlar Mayamidəki seçkidə qalib gəldi – 30 ildə ilk dəfə...

Demokrat namizəd Eylin Hiqqins Mayami meri seçkilərinin ikinci turunda respublikaçı Emilio Qonzalesə qalib gələrək, böyük qələbə qazanıb.
AJMEDIA “Bloomberg”ə istinadla xəbər verir ki, bununla da 61 yaşlı Hiqqins Floridada respublikaçıların üstünlük təşkil etdiyi bir vaxtda təxminən son 30 il ərzində şəhərə rəhbərlik edən ilk qadın və ilk demokrat olub.

O, Prezident Donald Tramp və Florida qubernatoru Ron Desantis tərəfindən dəstəklənən respublikaçı Emilio Qonzalesi təxminın 19 faiz üstələyib.

“Bu gün Mayami xalqı tarix yazdı. Biz birlikdə xaos və korrupsiya səhifəsini çevirdik və şəhərimiz üçün yeni bir era açdıq”, - Hiqqins bildirib.

Qeyd edək ki, Eylin Hiqqins Donald Trampın miqrasiya siyasətini tənqid edən platformada kampaniya aparırdı.

Xatırladaq ki, təxminən 500 min əhalisi olan Mayami 2024-cü il prezident seçkilərində Donald Trampın Kamala Harris üzərində böyük qələbə qazandığı Mayami-Deyd dairəsinin bir hissəsidir.

Onun seçilməsi ekspertlərin 2026-cı il aralıq seçkiləri ərəfəsində respublikaçılar üçün təşviş doğuran bir əlamət kimi qiymətləndirdiyi digər ştatlarda bir sıra demokratların qələbələri fonunda baş verir.//yeniavaz.com