Əvvəl İran, sonra isə ABŞ atəşkəsi pozub

ABŞ ilə gələcək sülh sazişi ilə bağlı danışıqlar üçün əsas götürülən İran planının 10 bəndindən 3-ü pozulub.

AJMEDİA.NEWSxəbər verir ki, bu barədə İran parlamentinin spikeri Məhəmmədbaqer Qalibaf "X" sosial şəbəkəsində yazıb.

O, əsas pozuntu kimi ABŞ və İsrailin Livanda atəşkəsə riayət etməməsini göstərib.

"Pakistanın Baş naziri Şahbaz Şərif də bu öhdəliyi birbaşa qeyd edib və bildirib ki, Livan və digərləri daxil olmaqla, bütün regionlarda təcili atəşkəs dərhal başlamalıdır", - paylaşımda bildirilir.

İkinci pozuntu Fars əyalətinin Lar şəhərində məhv edilmiş pilotsuz uçuş aparatının İranın hava məkanına daxil olmasıdır.

Qalibaf həmçinin vurğulayıb ki, İran Ağ Evin bəyanatlarının əksinə olaraq Tehranın təklif etdiyi plana daxil olunmuş uranın zənginləşdirilməsi hüququndan imtina etməyib.

"Beləliklə, danışıqlar üçün əsasın özü hələ onlar başlamazdan əvvəl açıq və aşkar şəkildə pozulub. Belə bir vəziyyətdə ikitərəfli atəşkəs və ya danışıqlar məqsədəuyğun deyil", - Qalibaf yekunlaşdırıb.

***

“ABŞ Tehranda, ölkənin şimal və cənubunda partlayışlar törədib, İranla atəşkəsi pozub”.

AJMEDIA.NEWS xəbər verir ki, bu haqda “Mehr” agentliyi məlumat yayıb.

Agentliyin məlumatına görə, iki həftəlik atəşkəs təxminən 12 saat davam edib, ABŞ təyyarələri Tehran və Kərəcə hava hücumları təşkil edib.

Xatırladaq ki, İranın XİN rəhbəri Seyid Abbas Əraqçi İsrailin atəşkəsi pozduğunu iddia etmişdi.