İsrail hökuməti Netanyahunun HƏMAS-ı ləğv etmək planını təsdiqləyib
2 saat əvvəlFood City Agrocomplex-də “Şaftalı Festivalı” keçirilib - FOTOLAR
08 Avqust 2025 09:24 | Baxış sayı: 372
Food City Agrocomplex, Aqrar İnnovasiya Mərkəzi və Xaçmaz Rayon İcra Hakimiyyətinin birgə təşkilatçılığı ilə 7 avqust 2025-ci il tarixində Food City Agrocomplex-in ərazisində “Şaftalı Festivalı” keçirilib.
AJMEDİA xəbər verir ki, tədbirin əsas məqsədi regionun kənd təsərrüfatı potensialını, xüsusilə də şaftalı istehsalını tanıtmaq, yerli fermerlər və istehsalçılar üçün satış və əməkdaşlıq imkanlarını genişləndirmək, həmçinin ictimaiyyətə xoş və yaddaqalan bir gün bəxş etməkdir.
Festival iki hissədən ibarət olub. Birinci hissədə yerli istehsalçıların iştirakı ilə kənd təsərrüfatı sərgisi təşkil edilib, müxtəlif şaftalı sortlarının nümayişi və dequstasiyası keçirilib. Ziyarətçilər həmçinin aqrar innovasiyalar, yeni texnologiyalar və logistik imkanlarla tanış olublar.
Tədbirin ikinci hissəsində isə bədii proqram baş tutub. Axşam saatlarında qonaqlar üçün konsert proqramı təşkil edilib, tanınmış incəsənət ustalarının çıxışları ilə mədəni istirahət təmin olunub.
