Avtobus və metrodan istifadə edənlərə ŞAD XƏBƏR
12 saat əvvəl"Hizbullah" İsrail və Livanın razılaşması fonunda tərk-silah olmayacağını açıqlayıb
05 İyun 2026 09:37 | Baxış sayı: 102
"Hizbullah" qruplaşması İsrail və Livanın atəşkəs rejiminin şərtlərinin yerinə yetirilməsinə dair razılığa gəlməsinə münasibət bildirib.
AJMEDIA.NEWS "Fars" agentliyinə istinadən xəbərinə görə, "Hizbullah"ın Siyasi Şurasının sədr müavini Mahmud Qəmati heç bir qüvvənin Livan müqavimətini tərk-silah olmağa məcbur edə bilməyəcəyini deyib.
"ABŞ və İsrailin bütün səyləri uğursuzluqla nəticələnəcək. Qarşıdurma davam edir və müqavimət hələ də ayaqdadır", - M. Qəmati qeyd edib.
"ABŞ və İsrailin müqavimətin silahları ilə bağlı heç bir hüququ yoxdur, çünki bu, Livanın daxili məsələsidir", - "Fars" onun sözlərindən sitat gətirib.
Daha əvvəl ABŞ Dövlət Departamenti İsrail və Livan nümayəndə heyətlərinin ABŞ-dəki danışıqların nəticələrinə əsasən, atəşkəs rejiminin şərtlərinin yerinə yetirilməsinə dair razılığa gəldiyini açıqlayıb.
