“İdrak” liseyində şagird müəllimi güllələdi - Direktordan açıqlama

Bakıdakı “İdrak” liseyində silahlı insident baş verib.

AJMEDİA.NEWS Unikal-a istinadən xəbər verir ki, hadisə Binəqədi rayonu ərazisindəki təhsil müəssisəsində qeydə alınıb.

Bildirilib ki, 10-cu sinif şagirdi müəllimə silahdan atəş açıb.

Dərhal xəstəxanaya çatdırılan müəllimin vəziyyətinin ağır olduğu bildirilir.

Liseyin rəhbəri Mönsüm Alışov hadisənin ehtiyatsızlıqdan baş verdiyini deyib: “Şagird ov tüfəngini liseyə məktəb çantasında gətirib. Hadisə ehtiyatsızlıqdan baş verib”.

***

Liseyin rəhbəri Mönsüm Alışov “Yeni Sabah”a açıqlamasında bildirib ki, əvvəllər bu şagirdlə bağlı şikayət olmayıb: “Davranışları normal olub. Hadisə sinif otağında baş verib. Müəllimin vəziyyəti yaxşıdır, xəstəxanadadır”.

***

Xəsarət alan müəllim (qadın-red.) Kliniki Tibbi Mərkəzə (KTM) yerləşdirilib.