ABŞ-dən qəti xəbərdarlıq: "İran neftini alan hər kəs məhkəməyə veriləcək"
24 dəqiqə əvvəlİran ABŞ və İsrail gəmilərinin Hörmüz boğazından keçməsinə İCAZƏ VERMƏYƏCƏK
13 Aprel 2026 14:31 | Baxış sayı: 229
"ABŞ və İsraillə əlaqəli gəmilərin Hörmüz boğazından keçməsinə qoyulan qadağa qüvvədə qalır".
AJMEDİA.NEWS xəbər verir ki, bu barədə İran dövlət televiziyası İran Silahlı Qüvvələrinin "Xatəm əl-Ənbiya" Mərkəzi Qərargahının sözçüsü İbrahim Zülfiqariyə istinadən xəbər yayıb.
"Düşmən gəmilərinin Hörmüz boğazından keçmək hüququ yoxdur və olmayacaq, digər gəmilərin isə İran İslam Respublikası Silahlı Qüvvələrinin qaydalarına tabe olaraq boğazdan keçməsinə icazə veriləcək", - deyə İbrahim Zülfiqari bəyan edib.
Qeyd edək ki, daha əvvəl ABŞ Mərkəzi Komandanlığı (CENTCOM) ABŞ ordusunun aprelin 13-də İrana qarşı dəniz blokadasına başlayacağını açıqlayıb. Məlumata görə, onlar İslam Respublikasının limanlarına doğru hərəkət edən, eləcə də onun sahillərindən uzaqlaşmağa çalışan bütün gəmilərin hərəkətinin qarşısını almağı planlaşdırırlar.
