"İş təklifi gələrsə, düşünə bilərəm" - 80 yaşlı Novruz Məmmədov işdən çıxmasından DANIŞDI

Novruz Məmmədovun Azərbaycan Dillər Universitetindəki işindən ayrılması ilə bağlı yayılan məlumatlara aydınlıq gətirilib.

AJMEDIA.NEWS-un məlumatına görə, Azərbaycan Dillər Universitetinin Mətbuat Xidmətindən bildirilib ki, Novruz Məmmədov iki ildən çoxdur ki, tutduğu vəzifədən ayrılıb.

Açıqlamada qeyd olunub ki, o, son dəfə öz istəyi ilə işdən çıxıb, buna səbəb isə yaşı olub.

Novruz Məmmədov özü də yayılan xəbərlərə reaksiya verib.

O, "qafqazinfo"ya bildirib ki, bu vəzifədən iki ildən çoxdur çıxıb:

“Bu, yeni bir şey deyil. Mən bu vəzifədən çoxdan çıxmışam, hardasa iki ildən çoxdur. Hazırda təqaüd alıram, yaşım çoxdur, 80 yaşım var. Bu yaşımda işləmək istəmirəm. Həmin vaxt da öz ərizəmlə vəzifədən çıxmışdım. Harada istəsəm işləyə bilərəm, çünki öz istəyimlə işdən uzaqlaşmışam. Hansısa idarə və ya təşkilatdan təklif gələrsə, düşünə bilərəm, amma bu yaşda istirahət etmək istəyirəm”.