İsrailli nazirdən ŞOK AÇIQLAMA: Suriya ilə müharibə qaçılmazdır

İsrailin diaspor naziri Amichai Çikli Suriya əsgərlərinin BƏƏS rejiminin süqutunun birinci ildönümündə anti-İsrail şüarları səsləndirdiyi videoya istinad edərək, açıqlama verib.

AJMEDIA xəbər verir ki, Suriya əsgərlərinin Əsəd rejiminin devrilməsinin birinci ildönümündə İsrail əleyhinə şüarlar səsləndirdiyi video İsrail təhlükəsizlik qüvvələrinin narahatlığına səbəb olub.

Baş nazir Binyamin Netanyahunun Likud partiyasının üzvü Çikli Amerika X şirkətinin sosial media hesabında Suriyada rejimin devrilməsinin birinci ildönümü çərçivəsində keçirilən hərbi paradda Suriya əsgərlərinin Qəzzəyə dəstək şüarları səsləndirdiyini göstərən video paylaşıb.

Ölkəsi Suriyaya qarşı hücumlarını və pozuntularını davam etdirən İsrailin diaspor naziri Çikli videodan sitat gətirərək “Müharibə qaçınılmazdır” deyib.

İsrail Ordusu Radiosu bildirib ki, Suriya əsgərlərinin İsrail əleyhinə şüarlar səsləndirməsi və İsraili “düşmən” kimi qələmə verən videoları İsrail təhlükəsizlik aparatında yüksək rütbəli rəsmilərin iştirakı ilə nəzərdən keçirilib.

Hesabatda “İsrailin Suriya hökumətinə sərt mesajlar göndərməsi və sözügedən videoları pisləməsini tələb etmək də daxil olmaqla, müxtəlif addımlar atacağı gözlənilir” ifadə edilib.//turkustan.az