Kənd ev qiymətinə satılır

İspaniyanın şimal-qərbində yerləşən və uzun illərdir boş qalmış Candelago kəndi “ev qiymətinə” satışa çıxarılıb.

AJMEDİA.NEWS xəbər verir ki, əsrarəngiz təbiətə malik olan bu qədim kənd ilkin olaraq 200 000 avroya təklif olunsa da, sonradan qiymət 150 000 avroya endirilib. Bu təklif investorların diqqətini çəkib.

Qeyd edək ki, satışa çıxarılan kənd Costa da Morte bölgəsində yerləşir və dəniz mənzərəsi, tarixi daş evləri və “horreo” kimi yerli tikililərlə zəngindir. 1970-ci illərdən etibarən əhali kəndi tərk etməyə başlayıb. Mütəxəssislər hesab edirlər ki, bu coğrafiyanı yenidən canlandırmaq və ya turizm mərkəzinə çevirmək üçün zəngin potensial var.

Kənddə 10-a yaxın ev və turistlərin diqqətini cəlb edəcək tarixi tikililər mövcuddur.

Ekspertlər belə sərfəli təkliflərin turizm və kənd təsərrüfatı layihələri üçün investisiya cazibəsini artırdığını vurğulayırlar.