Azərbaycanda bu şəxslərin hərbi xidmət müddəti AZALDILIR
1 dəqiqə əvvəlLukaşenko: “Donald Trampın siyasətinə görə narahat olmağa dəyməz”
16 Fevral 2026 15:41 | Baxış sayı: 314
Belarus Prezidenti Aleksandr Lukaşenko ABŞ Prezidenti Donald Trampın siyasəti ilə bağlı səsləndirilən narahatlıqlara münasibət bildirib.
AJMEDİA.NEWS xəbər verir ki, o, qeyd edib ki, Trampın yanaşması əvvəlcədən məlumdur və “güc yolu ilə sülh” strategiyasına əsaslanır:
“Onun siyasətinə görə narahat olmağa ehtiyac yoxdur. O, əvvəlcədən demişdi: sülh güc yolu ilə əldə olunur. Onun taktikası belədir: əvvəl təzyiq göstərir, sonra geri çəkilir. Bu, onun üslubudur. Güclü ölkədir, dünyada lider mövqedədir və belə də davranır. Ona görə də onun üzərinə getmək, hücum etmək lazım deyil. Mən onu müdafiə etmirəm, sadəcə bu, reallıqdır.”
Lukaşenko vurğulayıb ki, Belarus ABŞ ilə aparılan danışıqlarda bu yanaşmanı aydın şəkildə hiss edir və bundan faydalanmağa çalışır:
“Biz bunu ABŞ ilə danışıqlarda açıq şəkildə görürük və bu danışıqlarda öz problemlərimizi həll etməyə nail oluruq.”
Bununla yanaşı, Belarus lideri xüsusi olaraq qeyd edib ki, bu proseslər Rusiyanın maraqları hesabına aparılmır:
“Heç bir halda biz bu məsələləri bizə qardaş və doğma olan Rusiya hesabına həll etmirik,” – deyə o əlavə edib.
Lukaşenkonun sözlərinə görə, Belarus beynəlxalq münasibətlərdə balanslı siyasət yürütməyə və əsas tərəfdaşları ilə münasibətləri qorumağa davam edəcək.
