Ronaldo etirazı dayandırdı

Portuqaliyalı futbolçu Kriştiano Ronaldo “Əl-Nəsr” klubunda rəhbərliyin bəzi işçilərin maaşını gecikdirməsindən narazı qaldığına görə başladığı etiraz aksiyasına son qoyub.

AJMEDİA.NEWS “A Bola” nəşrinə istinadən xəbər verir ki, ulduz futbolçunun etirazından sonra “Əl-Nəsr” rəhbərliyi əməkdaşların maaşını ödəyib.

Klub həmçinin ötən ilin dekabrında vəzifəsindən uzaqlaşdırılan portuqaliyalı direktorlar Joze Semedo və Simao Koutinyoya direktor vəzifəsini bərpa edib.

Onu da bildirək ki, portuqaliyalı forvardın narazılığının əsas səbəbi Səudiyyə Ərəbistanı Dövlət İnvestisiya Fondunun (PIF) transfer siyasəti idi. Belə ki, O, “Əl-Nəsr”ə ayrılan büdcənin kəsilməsindən və rəqib “Əl-Hilal”ın daha çox dəstəklənməsindən, həmçinin klubun idman direktoru Simao Koutinyo və baş icraçı rəhbəri Joze Semedonun vəzifələrindən uzaqlaşdırılmasından narazılığını bu cür ifadə etmişdi.

Xatırladaq ki, fevralın 7-də Səudiyyə Ərəbistanı Futbol Liqasının Ronaldonun boykotuna görə 2,4 milyard dollar itirdiyi bildirilir.

Bununla da, “FOX Sports” Səudiyyə Ərəbistanı çempionatının yayımından imtina edən ilk böyük beynəlxalq televiziya şirkəti olub.

Qeyd edək ki, Ronaldo 2023-cü il yanvarın 1-dən “Əl-Nəsr”də çıxış edir. Bu müddət ərzində Ronaldo komandanın heyətində 127 oyun keçirib, 111 qol vurub.