Ronaldo karyerasını nə vaxt yekunlaşdıracağını açıqladı

Səudiyyə Ərəbistanının "Əl-Nəsr" klubunun futbolçusu Kriştiano Ronaldo karyerasını nə vaxt yekunlaşdıracağını açıqlayıb.

AJMEDİA.NEWS xəbər verir ki, o, 1000 qola çatana qədər oynayacağını açıqlayıb. Dubayda keçirilən mükafatlandırma mərasimində çıxış edən Ronaldo kuboklar qazanmaq və 1000 qola çatmaq istədiyini ifadə edib. Ronaldo bildirib ki, zədələnməsə istədiyi nəticəyə nail olacaq. Futbol oynamağa davam etmək üçün yüksək motivasiyaya malik olduğunu bildirən Ronaldonun sözlərinə görə, onun üçün Şərqdə və ya Avropada oynamağın fərqi yoxdur.

Qeyd edək ki, Kriştiano Ronaldo karyerasındakı qollarının sayını 956-ya çatdırıb.