Ronaldo İspaniya klubunun 25 fazini ALDI

"Əl-Nəsr"in hücumçusu Kriştiano Ronaldo yaşıl meydanlardakı uğurlarını biznes aləminə daşıyaraq böyük bir addım atıb. O, İspaniyanın "Almeriya" klubunun səhmlərinin 25 faizini aldığını rəsmən açıqlayıb.

AJMEDIA.NEWS İdman.Biz-ə istinadən bildirir ki, bu sövdələşmə Ronaldonun rəhbərlik etdiyi "CR7 SA" şirkətinin yeni törəmə müəssisəsi olan "CR7 Sports Investments" vasitəsilə həyata keçirilib.

Hazırda Sequndada (İspaniyanın ikinci divizionu) mübarizə aparan "Almeriya" turnir cədvəlində üçüncü pillədə qərarlaşıb və elitaya qayıtmaq üçün güclü namizədlərdən biridir.

Kriştianu Ronaldo bu qərarı barədə danışarkən futbol dünyasına meydandan kənarda da töhfə vermək istədiyini bildirib:

"Uzun müddətdir ki, futbola meydandan kənarda da xidmət etmək niyyətində idim. "Almeriya" möhkəm təməlləri və böyük inkişaf potensialı olan bir klubdur. Klubun yeni inkişaf mərhələsində rəhbərliklə çiyin-çiyinə çalışmaq istəyirəm".

Xatırladaq ki, "Almeriya"nın hazırkı prezidenti Məhəmməd əl-Xereyci ötən il klubu Türki əl-Şeyxdən satın almışdı. Əl-Xereyci ilə yaxın dostluq münasibətləri olan Ronaldonun bu sərmayəsi klubda həm əsas komandanın, həm də akademiyanın inkişafı üçün yeni bir dövrün başlanğıcı kimi qiymətləndirilir.