Onlara ali xüsusi rütbələr verildi - SƏRƏNCAM
13 dəqiqə əvvəlUkrayna "Lukoil"i VURDU
12 Fevral 2026 14:55 | Baxış sayı: 280
Fevralın 12-də Ukrayna dronları Rusiyanın Komi Respublikasının Uxta şəhərində yerləşən "Lukoil" neft emalı zavoduna hücum edib.
AJMEDİA.NEWS xəbər verir ki, obyekt Kiyevdən təxminən 2000 km uzaqdadır.
Bu, Rusiyanın şimal bölgələrini yanacaqla təmin edən neft emalı zavodunda 2025-ci ilin avqust ayından bəri baş verən ikinci belə hadisədir.
Komi qubernatoru Rostislav Qoldşteynin məlumatına görə, hücum nəticəsində yanğın başlayıb.
İlkin məlumatlara görə, xəsarət alan olmayıb.
"Bütün zəruri təhlükəsizlik tədbirləri görülür. Təcili yardım xidmətləri gücləndirilmiş iş rejimində fəaliyyət göstərir, zavod rəhbərliyi isə vətəndaşların təhlükəsizliyini təmin edir və riskləri minimuma endirir", - Qoldşteyn Telegram kanalında yazıb.
Hücumun "Lyutı" sinifli dronlarla həyata keçirildiyi bildirilir. Yerli sakinlərin sözlərinə görə, ən azı üç dron zavodun ərazisinə düşüb.
Exilenova+ şirkətinin məlumatına görə, 2012-ci ildə modernləşdirilmiş atmosfer-vakuum distillə qurğusu (AVD) zədələnib. Bu qurğu ildə 2 milyon tona qədər xam neftin emalına imkan verir. Mütəxəssislər bildirirlər ki, AVD-yə dəyən zərər ağır neft məhsulları və yol bitumunun istehsalına, həmçinin sonrakı dərin emal proseslərinə mənfi təsir göstərə bilər. Zavodun ümumi illik gücü 4-6 milyon ton neft səviyyəsində qiymətləndirilir.
