ABŞ-da Qəzza üzrə “Sülh Şurası”: İsraili Netanyahu yox, Saar təmsil edəcək

Vaşinqtonda keçiriləcək “Sülh Şurası” iclasında İsrailin rəsmi nümayəndəsi dəyişib.

AJMEDİA xəbər verir ki, Baş nazir Benyamin Netanyahu ölkəni toplantıda təmsil etməyi xarici işlər naziri Gideon Saara həvalə edib.

Diplomatik mənbənin The Times of Israel nəşrinə bildirdiyinə görə, gələn həftə baş tutacaq iclas Qəzza sektorundakı vəziyyətə həsr olunacaq.

İsrail diplomatiyasına rəhbərlik edən Saar tədbirdə çıxış edəcək, ölkəsinin mövqeyini təqdim edəcək və beynəlxalq təhlükəsizlik, həmçinin regional sülh təşəbbüsləri ətrafında müzakirələrə qatılacaq.//musavat.com