"ABŞ və İsrail Livanda İranla bağlı hədəflərə zərbələri davam etdirir" - Netanyahu

ABŞ və İsrailin hava qüvvələri Livanda İranla əlaqəli obyektlərə qarşı əməliyyatları davam etdirir.

AJMEDIA.NEWS xəbər verir ki, bunu İsrailin baş naziri Benyamin Netanyahu açıqlayıb.

Netanyahunun sözlərinə görə, ABŞ və İsrailin hava qüvvələri Livanda İran rejimi ilə əlaqəli hədəflərə və terror obyektlərinə zərbələr endirməyi davam etdirir. O bildirib ki, əməliyyatların məqsədi regionda təhlükə yaradan hərbi infrastrukturu zərərsizləşdirməkdir.

İsrail hökumət başçısı vurğulayıb ki, bu cür əməliyyatlar ölkənin təhlükəsizliyini təmin etmək və İranın regiondakı təsirini zəiflətmək üçün həyata keçirilir.