Avropa dövlətləri vətəndaşlarını İranı tərk etməyə çağırdı
16 Yanvar 2026 08:23 | Baxış sayı: 101
Avropa Birliyinin bir sıra dövlətləri İrandakı vətəndaşlarına ölkəni tərk etməyi tövsiyə edib.
AJMEDİA.NEWS xəbər verir ki, bu barədə Almaniya, İtaliya, İspaniya, Portuqaliya və Polşa da daxil olmaqla bir sıra ölkələrin xarici işlər nazirlikləri bəyanatlar verib. Açıqlamada ölkələr iqtisadi problemlərlə müşayiət olunan etirazlar səbəbindən vətəndaşlarını İranı tərk etməyə çağırıblar. İspaniya Xarici İşlər Nazirliyi bildirib ki, bölgədəki qeyri-sabit vəziyyətə görə, İrandakı İspaniya vətəndaşları ölkəni tərk etmək üçün bütün mövcud vasitələrdən istifadə etməli və İrana səyahətlərdən çəkinməlidirlər.
Bəyanatda vurğulanıb ki, fəaliyyətini davam etdirən Tehrandakı İspaniya səfirliyi İspaniya vətəndaşlarına İranı tərk etməyə icazə vermək səlahiyyətinə malik deyil və bu tamamilə İran hakimiyyətindən və qanunlarından asılı prosesdir. Digər ölkələr də belə bəyanatlar verib.
