Avropa İttifaqı İsraillə münasibətləri dayandıra bilər

Avropa İttifaqı Qəzza ətrafındakı vəziyyətlə əlaqədar İsraillə münasibətləri dayandırmağı düşünür.
AJMEDİA xəbər verir ki, bu barədə “Politico” nəşri məlumat yayıb.

Məlumata görə, Avropa Xarici Fəaliyyət Xidməti tərəfindən hazırlanan sənəd layihəsinə əsasən, digər məsələlərlə yanaşı, Aİ ilə İsrail arasında ticarət-iqtisadi əməkdaşlığı tənzimləyən sazişin tam dayandırılmasına qədər olan tədbirlər müzakirə edilir.

Təklif olunan variantlar arasında sazişin qismən dondurulması, xüsusən də baş naziri Benyamin Netanyahu hökuməti ilə siyasi dialoqun dayandırılması var ki, bunun üçün Aİ-yə üzv olan 27 ölkənin hamısının yekdilliklə təsdiqi tələb olunur.

Eyni zamanda, Avropa bazarında İsrail mallarına olan üstünlükləri ləğv edən sazişin ticarət hissəsinin dayandırılması Aİ Şurasında əsas səs çoxluğu ilə qəbul edilə bilər.

Nəşrin yazdığına görə, İsrailin “Erasmus” kimi Avropanın elmi və təhsil proqramlarında iştirakına məhdudiyyətlər, o cümlədən texniki əməkdaşlığa məhdudiyyətlər də nəzərdən keçirilir.

Aİ xarici işlər nazirlərinin iyulun 15-də mümkün tədbirləri müzakirə edəcəkləri gözlənilir. Həmin gün İsrailin Qəzza zolağında humanitar vəziyyətin yaxşılaşdırılmasına dair hesabat təqdim edəcəyi nəzərdə tutulur.//yeniavaz.com