AYİB Azərbaycana 100 milyon dollar AYIRDI

Avropa Yenidənqurma və İnkişaf Bankı (AYİB) Azərbaycan üçün 100 milyon dollar ayırıb.

AJMEDİA xəbər verir ki, AYİB tərəfindən ayrılan vəsait “Green Economy Financing Facility” (GEFF) adlı “yaşıl” maliyyələşdirmə proqramı çərçivəsində təqdim olunacaq.

Məlumata görə, bu vəsait enerji səmərəliliyi, bərpa olunan enerji, resurslardan düzgün istifadə, dairəvi iqtisadiyyat və iqlim davamlılığı sahəsində layihələr həyata keçirən özəl şirkətlərin kreditləşdirilməsinə yönəldiləcək.

Proqrama həmçinin 3 milyon dollara qədər texniki dəstək və maliyyə vasitəçiləri üçün 4 milyon dollara qədər güzəştli maliyyələşdirmə daxildir.

GEFF proqramı Azərbaycanda “yaşıl” maliyyələşdirmənin tətbiqi üzrə pilot layihə olacaq və ölkənin davamlı inkişaf yoluna keçidini sürətləndirəcək.//musavat.com