Azərbaycan Slovakiyadan 210 milyon avroya minaatan alacaq

Azərbaycan və Slovakiya minaatanların tədarükü üçün müqavilə imzalayıblar.

AJMEDİA xəbər verir ki, müqavilə Səudiyyə Ərəbistanının Ər-Riyad şəhərində keçirilən Dünya Müdafiə Sərgisində imzalanıb.

Müqaviləyə əsasən, Azərbaycan Slovakiyanın dövlətə məxsus silah istehsalçısı ZŤS Spéciál tərəfindən istehsal olunan SAM-120 avtomatik minaatanlarını ümumi dəyəri 210 milyon avro olan məbləğdə alacaq.

Slovakiyanın müdafiə naziri Robert Kalinak 96 minaatandan ibarət ilk tədarük tranşının razılaşdırıldığını açıqlayıb. Müqavilə təxminən 300 ədəd silahın alınmasını əhatə edir.

Dubnitsa nad Vahomdakı silah zavodunda minaatan istehsalına müqavilə imzalandıqdan dərhal sonra başlanacağı gözlənilir.