Azərbaycan Yəhudi Media Mərkəzi ölkə başçısının doğum günü münasibəti ilə təbrik edib

Hörmətli cənab Prezident!

Sizi doğum gününüz münasibətilə Azərbaycan Yəhudi Media Mərkəzinin kollektivi adından səmimi-qəlbdən təbrik edirik.

Sizin müdrik və uzaqgörən rəhbərliyiniz altında Azərbaycan Respublikası davamlı inkişaf yolu ilə irəliləyir, ölkəmizin beynəlxalq nüfuzu daha da möhkəmlənir. Multikulturalizm, tolerantlıq və müxtəlif xalqların və dinlərin nümayəndələrinin sülh və qarşılıqlı hörmət şəraitində birgə yaşaması Azərbaycanda dövlət siyasətinin əsas sütunlarından birinə çevrilmişdir. Bu dəyərlərin qorunub saxlanılması və təşviqi Sizin adınızla birbaşa bağlıdır.

Azərbaycan yəhudi icması ölkəmizdə hökm sürən sabitliyi, qarşılıqlı etimadı və diqqəti daim yüksək qiymətləndirir. Sizin rəhbərliyiniz dövründə yəhudi icmasının dini, mədəni və ictimai fəaliyyətinin inkişafı üçün yaradılan şərait buna bariz nümunədir.

Bu əlamətdar gün münasibətilə Sizə möhkəm cansağlığı, uzun ömür, ailə səadəti və dövlətimizin rifahı naminə fəaliyyətinizdə yeni-yeni uğurlar arzulayırıq.

Dərin hörmət və ehtiramla,

Azərbaycan Yəhudi Media Mərkəzi