Gürcüstanda nazirlər və millət vəkilləri nə qədər maaş alır?
3 saat əvvəlAzərbaycanda iş yerində xəsarət alanların sayı rekord səviyyəyə yüksəlib
11 Dekabr 2025 08:00 | Baxış sayı: 272
Son 20 ildə – 2005-2024-cü illərdə istehsalatda baş verən bədbəxt hadisələr nəticəsində əmək qabiliyyətini itirənlərin və ölənlərin sayı 4 dəfə artıb.
AJMEDIA açıqlanan rəsmi statistikaya istinadən xəbər verir ki, istehsalatda əmək qabiliyyətini itirənlərin və ölənlərin sayı 2005-ci ildə 189 nəfər olduğu halda, 2024-cü ildə 747 nəfərə yüksəlib.
Qeyd edək ki, bədbəxt hadisə nəticəsində ölənlərin sayı ötən il 88 nəfər olub.
Onu da bildirək ki, ölüm halları ən çox tikintidə qeydə alınıb. İl ərzində baş verən ölümlərin 28,4%-i, yəni 25 nəfəri tikinti sahəsində baş verən bədbəxt hadisələr zamanı qeydə alınıb.
Bunlardan başqa, il ərzində nəqliyyat və anbar təsərrüfatında 20, emal sənayesində 6, elektrik enerjisi, qaz və buxar istehsalı, bölüşdürülməsi və təchizatı sahəsində 8, mədənçıxarma sənayesində 2, su təchizatı, tullantıların təmizlənməsi və emalı sahəsində 1, informasiya və rabitə sektorunda 1, digər iqtisadi fəaliyyət növlərində isə 22 nəfər bədbəxt hadisə nəticəsində ölüb.//yeniavaz.com
