Azərbaycanlı gənclər ən çox hansı ölkələrə köçürlər? – Siyahı
31 Avqust 2025 07:00 | Baxış sayı: 381
Ötən il daimi yaşamaq üçün başqa ölkələrə 15-29 yaşlarında olan 633 nəfər Azərbaycan vətəndaşı köçüb.
AJMEDIA açıqlanan rəsmi məlumatlara istinadən xəbər verir ki, xaricə köçən azərbaycanlı gənclərin 226 nəfəri kişi, 407 nəfəri isə qadın olub.
Məlumat üçün bildirək ki, ötən il azərbaycanlı gənclər daimi yaşamaq üçün ən çox Rusiyaya köçüblər. İl ərzində Rusiyaya 198 gənc köçüb və onların 73-ü kişi, 125-i qadın olub. İkinci sırada Türkiyə qərarlaşıb. Türkiyəyə üz tutan azərbaycanlı gənclərin sayı 177 nəfər olub və onlardan 72-si kişi, 105-i qadın olub.
Qeyd edək ki, ölkədən köçən azərbaycanlılar əsasən aşağıdakı ölkələrə üz tutublar:
Rusiya – 198 nəfər (73 kişi, 125 qadın);
Türkiyə – 177 nəfər (72 kişi, 105 qadın);
Almaniya – 42 nəfər (11 kişi, 31 qadın);
ABŞ – 39 nəfər (14 kişi, 25 qadın);
Kanada – 35 nəfər (7 kişi, 28 qadın);
Gürcüstan – 24 nəfər (17 kişi, 7 qadın);
Qazaxıstan – 22 nəfər (8 kişi, 14 qadın);
Özbəkistan – 17 nəfər (6 kişi, 11 qadın);
Türkmənistan – 10 nəfər (3 kişi, 7 qadın);
Çin – 6 nəfər (4 kişi, 2 qadın);
Moldova – 3 nəfər (0 kişi, 3 qadın);
Belarus – 3 nəfər (1 kişi, 2 qadın);
Ukrayna – 1 nəfər (0 kişi, 1 qadın).