Bakı, İrəvan, Tbilisi: Yaşayış və kirayə haqqı harada daha yüksəkdir?

Dünyanın ən böyük məlumat bazası Numbeo tərəfindən tərtib edilən 2025-ci ilin birinci yarısı üçün yaşayış minimumuna görə şəhərlərin reytinqində Bakı 340-cı yerdə qərarlaşıb.

Tbilisi 316-cı, İrəvan 257, İstanbul 258, Moskva 230-cu yerdə qərarlaşıb.

“Yaşayış qiymətləri indeksi” ərzaq, restoranlar, nəqliyyat və kommunal xidmətlər kimi istehlak mallarının nisbi qiymətlərini göstərir. Amma bu indeksə kirayə və ya ipoteka kimi yaşayış xərcləri daxil deyil.

Numbeo-nun məlumatına görə, Tbilisinin mərkəzində bir otaqlı mənzilin aylıq kirayə haqqı orta hesabla 713 dollar, üç otaqlı mənzilin isə 1376 dollar təşkil edir.

İrəvanda eyni mənzilin orta kirayə haqqı müvafiq olaraq 748 və 1256 dollar, Bakıda isə 478 və 964 dollar olacaq.