Bu rayonda da qaz kəsiləcək - DİQQƏT!

Qazax rayonunun bir neçə kəndində qaz təchizatında müvəqqəti fasilə yaranacaq.

AJMEDİA.NEWS xəbər verir ki, bu barədə "Azəriqaz" məlumat yayıb.

Bildirilib ki, Şəmkir Regional Qaz İstismarı İdarəsinin Qazax Xidmət Sahəsinə aid Əskipara AQPS-dən qidalanan Ülkməzli kəndi ərazisində diametri 530 millimetr olan qaz xəttində kompresatorun birləşmə hissəsində kəskin qaz sızması aşkar edilib.

Qaz sızmasının aradan qaldırılması və digər təmir-bərpa işləri ilə əlaqədar olaraq sabah saat 10:00-dan etibarən işlər başa çatanadək Daş Salahlı, Bala Çaylı, Çaylı, Ülkməzli, Dəmirşçilər, Alpoud, Abbasbəyli, Fərəhli, Quşçu Ayrım və Məzəm kəndlərinin qaz təchizatı dayandırılacaq. Ümumilikdə, təqribən 4 100 abonent bu fasilədən təsirlənəcək.

Qurumdan bildirilib ki, işlər başa çatdıqdan sonra qaz təchizatı bərpa olunacaq.