İsraildə Milad tədbirində Santa Klaus geyimində olan fələstinli saxlanılıb
22 dəqiqə əvvəlDronlara qarşı gizli silah HAZIRLANDI
26 Dekabr 2025 14:50 | Baxış sayı: 105
Polşa düşmən PUA-larını dərhal sıradan çıxara bilən "Stratus" adlı elektromaqnit sistemi hazırlayıb.
AJMEDİA.NEWS xəbər verir ki, bu barədə "TVP World" məlumat yayıb.
Layihə üzərində Qdansk Texnologiya Universitetinin alimləri çalışıb.
Bildirilir ki, "Stratus" güclü elektromaqnit impulsları vasitəsilə pilotsuz uçuş aparatlarının elektron komponentlərinin işini pozur və ya onları tamamilə sıradan çıxarır. Bu üsul partlayışa ehtiyac olmadan PUA-ların zərərsizləşdirilməsinə imkan verir.
Mütəxəssislər sistemi “görünməz qalxan”a bənzədirlər. Çünki "Stratus" dronları vurmaqla deyil, elektron üsulla sıradan çıxarır. Ən yeni texnologiya nəzarətli sınaqlardan uğurla keçsə də, hələlik tam istismara verilməyib.
Qeyd olunur ki, "Stratus" gələcəkdə kritik infrastruktur obyektlərinin mühafizəsində, eləcə də kütləvi tədbirlərin keçirildiyi ərazilərdə istifadə oluna bilər. Belə məkanlarda dronlara qarşı ənənəvi mübarizə üsulları əlavə risklər yarada bilir.
Xatırladaq ki, bundan əvvəl Polşanın Belarusla sərhəddə pilotsuz uçuş aparatlarına qarşı müdafiə sistemi qurmağa başladığı bildirilmişdi. Sisteminin ilk elementləri Krınki şəhəri ərazisində quraşdırılıb. Burada hündürlüyü 70 metrdən artıq olan bir neçə müşahidə qülləsi inşa edilib, onlardan birində isə radar yerləşdirilib.
