Nəriman Axundzadə üçün təklif var - Xaricə gedir
14 dəqiqə əvvəlElvin Cəfərquliyevə məxsus dünya rekordu qırıldı
06 Fevral 2026 14:38 | Baxış sayı: 101
Peru millisinin və "Alianza Lima" komandasının müdafiəçisi Karlos Zambrano bir təqvim ili ərzində beynəlxalq klub turnirlərində ən çox qırmızı vərəqə alan futbolçu kimi tarixə düşüb.
AJMEDİA.NEWS xəbər verir ki, 36 yaşlı oyunçu 2025-ci il ərzində qitə miqyaslı turnirlərdə (ICC) dörd dəfə meydandan qovulub.
O, cari mövsümdə əvvəlcə "Libertadores Kuboku"nda iki dəfə, klubunun bu turnirdən kənarlaşmasından sonra isə Cənubi Amerika Kubokunda (Copa Sudamericana) daha iki dəfə qırmızı vərəqə ilə cəzalandırılıb.
Maraqlıdır ki, bu vərəqələr klubun keçirdiyi cəmi altı beynəlxalq oyun ərzində qeydə alınıb.
Buna qədərki dünya rekordu "Qarabağ"ın futbolçusu Elvin Cəfərquliyevə məxsus idi. Azərbaycanlı müdafiəçi 2024-cü ildə UEFA Avropa Liqası çərçivəsində keçirilən oyunlarda üç dəfə qırmızı vərəqə alaraq bu siyahıya başçılıq edirdi. (Teleqraf)
