Epşteyn sənədlərindən Ancelina Coli də çıxdı

ABŞ Ədliyyə Nazirliyinin veb saytında dərc edilmiş məxfilikdən çıxarılmış sənədlərə görə, Hollivud aktrisası Ancelina Coli qalmaqallı maliyyəçi Ceffri Epşteyni ən azı iki dəfə rejissorluq etdiyi filmlərin premyeralarına dəvət edib.

AJMEDİA.NEWS-un xarici mətbuata istinadən məlumatına görə, Coli 2014 və 2017-ci illərdə elektron poçtla dəvətnamələr göndərib. Əvvəlcə Hollivud ulduzu Epşteynə "Qırılmamış" filminin qapalı nümayişinə dəvətnamə göndərib. Epşteyn cavabında "mütləq nümayişdə olacağını" bildirib.

Angelina üç il sonra, "Əvvəlcə onlar atamı öldürdülər" filmi çıxanda oxşar dəvət göndərib. Epşteyn də minnətdarlıq və razılıqla cavab verib.