Əqrəb, Buğa, Şir bürcləri… - Pul məsələsində diqqətli olun!

Merkuri retrosu 18 iyul - 10 avqust 2025-ci il tarixləri arasında Şir bürcündə baş verəcək.

AJMEDİA.NEWS xəbər verir ki, Şir özünə inam, yaradıcılıq, səhnə, sevgi, eqo və liderlik mövzularını təmsil edir.

Bu bürcdə Merkuri retrosu təbii olaraq ilk növbədə bu mövzulara təsir edir. Özümüzü ifadə etmə tərzimiz sorğu-sual olunacaq, daxili səsimiz “Həqiqətən harada parlayırsan?” deyə qışqıracaq, eqo və özünə dəyər qarışacaq, həqiqi və şişirdilmiş davranışlar arasındakı fərq aydınlaşacaq.

Bu müddət ərzində ifadələriniz, sözləriniz səhv başa düşülə bilər. Eqo döyüşləri, passiv-aqressiv ünsiyyət və “Niyə məni başa düşmürlər?” mövzusu önə çıxacaq.

Yaxın dostlarla söhbətlərdə küskünlük, inciklik, qürur səbəbiylə susqunluqlar yarana bilər. Ünsiyyət kanallarınızı açıq, sadə və dürüst saxlamağa çalışın.

Eşq həyatınızdakı keçmişə yenidən baxa bilər. Keçmiş sevgilər qapını döyə bilər və köhnə yaralar yenidən açıla bilər.

Pul və maliyyə məsələlərində diqqətli olmaq, mühüm qərarlar verməkdən qaçmaq, ünsiyyətdə daha diqqətli olmaq faydalı olardı.

Bu retroda xüsusilə Şir, Dolça, Buğa və Əqrəb bu təsiri daha birbaşa hiss edəcəklər.

Qoç: Köhnə bir sevgi və ya yarımçıq bir layihə qapınızı döyəndə ürəyinizin həqiqətən nəyə bağlı olduğunu şübhə altına ala bilərsiniz.

Buğa: Ailədə ünsiyyət pozula bilər, keçmiş inciklik yenidən üzə çıxa bilər.

Əkizlər: Anlaşılmazlıqlar sizi narahat edə bilər; aydın olmağa çalışarkən, daha da qarışıq təəssürat yarada bilərsiniz.

Xərçəng: Maliyyə məsələlərində qeyri-müəyyənliklər yarana bilər; keçmişdə gözdən qaçırdığınız ödənişlər və ya investisiyalar çətinlikyarada bilər.

Şir: Özünüzü ifadə etməkdə çətinlik çəkə bilərsiniz və təqdir olunmamaq hissi ilə eqo gərginliyi yaşaya bilərsiniz.

Qız: Daxili səsiniz yüksəldikcə keçmiş ağrılar beyninizdə təkrarlana bilər.

Tərəzi: Sosial çevrənizlə ünsiyyət pozula bilər; köhnə dostlarla anlaşılmazlıqlar gündəmə gələ bilər.

Əqrəb: Karyera məqsədlərinizə aydınlıq gətirməyə çalışarkən köhnə strategiyaların artıq işə yaramadığını anlaya bilərsiniz.

Oxatan: Təhsil, səyahət və ya hüquqi məsələlərdə gecikmələr ola bilər; planlarınızı yenidən nəzərdən keçirməli ola bilərsiniz.

Oğlaq: Maliyyə və emosional paylaşımlar idarəolunmaz hala gələ bilər, xüsusilə köhnə borclar və ya gizli məsələlər yenidən gündəmə gələ bilər.

Dolça: Münasibətlərinizdə ünsiyyət testi ilə üzləşə bilərsiniz; qürur və həqiqi emosiya arasında qərar verməli ola bilərsiniz.

Balıqlar: Gündəlik iş rejiminiz, iş mühitiniz və ya sağlamlığınızla bağlı gecikmələr, anlaşılmazlıqlar və özünə qapanma hissi ola bilər.