Ermənistanın dron istehsalçısı Davaro, İsrail mediasının onun texnologiyasından istifadə edildiyi barədə yaydığı məlumatları təkzib etdi

Ermənistanın dron istehsalçısı Davaro öz işlərində digər istehsalçıların texnologiyalarından istifadə etdiyini inkar edib.

AJMEDIA xəbər verir ki, şirkətin mətbuat açıqlamasında bildirilir ki, o, "məhsullarını yalnız öz texnoloji həllərinə əsaslanaraq hazırlayıb".

"Son günlərdə beynəlxalq mətbuatda DAVARO tərəfindən yaradılan pilotsuz uçuş aparatları (PUA) sistemlərinin digər istehsalçıların təqdim etdiyi texnologiyalara əsaslandığı barədə məlumatlar müzakirə olunur.

Rəsmi olaraq bildiririk ki, bu cür iddialar həqiqətə uyğun deyil. Dərc olunmuş təhlil məhsulun faktiki xüsusiyyətlərini əks etdirməyən qeyri-dəqiq məlumatlara əsaslanır."