Balıq ovuna çıxmaq istəyənlərin NƏZƏRİNƏ!
indi"Ferentsvaroş"un baş məşqçisi geridönüşə inanır
27 Avqust 2025 09:24 | Baxış sayı: 352
"İlk oyunda iki adi vəziyyətdən qol buraxdıq".
AJMEDIA.NEWS xəbər verir ki, bunu Macarıstan "Ferentsvaroş"unun baş məşqçisi Robbi Kin Bakıda "Qarabağ"la keçirəcəkləri UEFA Çempionlar Liqasının pley-off mərhələsinin cavab oyunundan öncə mətbuat konfransında deyib.
İrlandiyalı mütəxəssis futbolçularının matça hazır olduğunu söyləyib: "Əsas heyətdə müəyyən dəyişikliklər edə bilərik. İlk oyunda iki adi vəziyyətdən qol buraxdıq. "Qarabağ" futbolçuları əllərinə düşən fürsətlərdən maksimum istifadə etdilər. Bizdə isə fərqli oldu".
O, komandasının Bakıda məşqə çıxmamasının səbəbini belə izah edib: "Bu kluba baş məşqçi təyin olduqdan sonra qərar vermişəm ki, başqa komandanın stadionunda məşq keçməyək. Çalışıram ki, futbolçuları öz stadionumuzda hazırlayım".
Kin növbəti mərhələyə yüksələcəklərinə inandığını gizlətməyib: "Uzun müddətdir ki, futbolun içərəsindəyəm. Futbolçu olduğum vaxtlarda çox geridönüşlərə şahid olmuşam. İllər əvvəl Çempionlar Liqasının finalında "Liverpul" "Milan"a 0:3 hesabı ilə geridə olarkən geridönüş etdi və sonda qalib gəldi. Yəni mümkünsüz heçnə yoxdur".
Qeyd edək ki, avqustun 27-də keçiriləcək "Qarabağ" - "Ferentsvaroş" matçı saat 20:45-də start götürəcək. Komandalar arasında Macarıstanda təşkil olunan ilk görüşdə Ağdam təmsilçisi 3:1 hesablı qələbə qazanıb.
