“Girovların azad edilməsi üçün HƏMAS-la danışıqlar aparırıq” – Tramp

ABŞ Prezidenti Donald Tramp bildirib ki, Vaşinqton Qəzza zolağında qalan girovların azad edilməsi ilə bağlı Fələstinin HƏMAS silahlı qruplaşması ilə çox dərin danışıqlar aparır.
AJMEDIA xarici KİV-ə istinadla xəbər verir ki, o, Birləşmiş Ştatların 2023-cü il oktyabrın 7-dən Fələstin qrupları tərəfindən saxlanılanların hamısının dərhal azad edilməsini tələb etdiyini deyib.

Tramp sağ olduğu güman edilənlərdən bəzilərinin bu yaxınlarda ölmüş ola biləcəyinə inandığını qeyd edib.. O, danışıqların təfərrüatlarını açıqlamayıb.

Qeyd edək ki, İsrail Müdafiə Qüvvələri Qəzza şəhərinin ələ keçirilməsi üçün hazırlıqlarını davam etdirir. İsrail mediası bildirir ki, ordu HƏMAS-ın girovları köçürməyə cəhd edə və ya onlardan canlı qalxan kimi istifadə edə biləcəyindən ehtiyat edir. Yüksək rütbəli hərbi məmurlar xəbərdarlıq edir ki, əməliyyat aylar çəkə bilər və girovların həyatını daha da böyük risk altına qoya bilər.

Rəsmi məlumatlara görə, Qəzza zolağında 48 nəfər cihadçıların əlində qalıb, onlardan 26-nın öldüyü elan edilib. İsrail hökuməti hələlik Trampın sağ qalan girovlardan bəzilərinin ölməsi ehtimalı ilə bağlı sözlərinə münasibət bildirməyib.//yeniavaz.com