“Hazır olun, Azərbaycan” – Vaşinqtondan gələn həmin mesajın anlamı

ABŞ-ın aparıcı analitik mərkəzlərindən biri olan Hudson Institute-nin baş elmi əməkdaşı Luke Coffey sosial şəbəkə X-də paylaşdığı qısa, lakin diqqətçəkən mesajla regional gündəmi silkələyib.

AJMEDİA.NEWS xəbər verir ki, analitik tvitində sadəcə iki söz yazıb: “Be prepared ” – “Hazır olun, Azərbaycan”.

Bu ifadənin nə demək olduğu soruşulduqda isə Coffey cavabı bir sözlə verib: “Events” – “Hadisələr”.

Ekspert dairələrində bu mesaj İranda davam edən genişmiqyaslı etirazlar, xüsusən də azərbaycanlı-türk əhalinin sıx yaşadığı bölgələrdə artan gərginlik fonunda açıq xəbərdarlıq siqnalı kimi dəyərləndirilir. Qısa cavabın özü belə Vaşinqtonda proseslərin yalnız daxili etirazlarla məhdudlaşmadığına, regionda “əhəmiyyətli hadisələrin” baş verə biləcəyinə işarə kimi qəbul olunur.

Coffeyin illərdir Cənubi Qafqaz, İran və təhlükəsizlik arxitekturası üzrə təhlilləri ABŞ-da siyasi və ekspert mühitində geniş sitat gətirilir. Bu səbəbdən onun “hazır olun” mesajı təsadüfi yox, hesablanmış siyasi jest kimi oxunur.