İki dövlət Aİ-nin İsraillə sazişinin dayandırılmasına qarşı çıxdı

Almaniya ilə İtaliya Avropa İttifaqı (Aİ) və İsrail arasında əməkdaşlıq sazişinin dayandırılması təklifini rədd edib.

AJMEDİA.NEWS xəbər verir ki, bu barədə "The Guardian" məlumat yayıb.

Qeyd olunub ki, bu təklif İspaniya və İrlandiya tərəfindən Lüksemburqda Aİ xarici işlər nazirlərinin görüşündə irəli sürülüb.

Almaniyanın xarici işlər naziri Yohann Vadeful İsraillə dialoqun davam etdirilməsinin vacibliyini vurğulayaraq təklifi yersiz adlandırıb: "Biz İsraillə kritik məsələlər ətrafında danışmalıyıq. Bu, konstruktiv dialoq çərçivəsində baş verməlidir".

Daha əvvəl İspaniya, Sloveniya və İrlandiya Brüsseldə Avropa İttifaqı və İsrail arasında assosiasiya sazişinin fəaliyyətinin mümkün dayandırılmasının müzakirəsi təşəbbüsü ilə çıxış edib.