"İran ABŞ-yə çata bilən raketlər hazırlamağa səy göstərir" - Tramp

İran ABŞ-yə çata bilən raketlər hazırlamağa səy göstərir.

AJMEDIA.NEWS xəbər verir ki, ABŞ Prezidenti Donald Tramp Konqresdəki çıxışında belə deyib. O bildirib ki, seçimi bu məsələni diplomatiya yolu ilə həll etməkdir. Tramp bəyan edib ki, o, İranın nüvə silahına sahib olmasına icazə verməyəcək. ABŞ Prezidenti Tehranla danışıqların davam etdiyini, lakin razılaşma əldə olunmadığı təqdirdə digər variantlara hazır olduqlarını irəli sürüb. Tramp, "Onlar Avropanı və xaricdəki bazalarımızı təhdid edə biləcək raketlər hazırlayıblar və həmçinin ABŞ-yə çata biləcək raketlər istehsal etmək üçün çalışırlar. Onlara silah proqramlarını, xüsusən də nüvə silahlarını yenidən qurmamaq barədə xəbərdarlıq edilib. Buna baxmayaraq, onlar hər şeyi yenidən başlayırlar", - deyə bildirib.

Tramp ikinci dəfə hakimiyyətə gələndən sonra 8 müharibəyə son qoyduğunu iddia edərək, hansı ölkələrin müharibələrinə və ya potensial münaqişələrinə son qoyduğunu ətraflı şəkildə qeyd edib.