Sumqayıtda da gediş haqqı artırılır - Bu tarixdə
8 saat əvvəlİspaniyada "Qarabağ"a qarşı təxribat - FOTO
22 Oktyabr 2025 09:18 | Baxış sayı: 311
"Qarabağ" futbol klubu İspaniyada xoşagəlməz halla qarşılaşıb.
AJMEDİA.NEWS Oxu.az-a istinadən xəbər verir ki, UEFA Çempionlar Liqasının III turunda səfərdə İspaniya təmsilçisi "Atletik"lə qarşılaşacaq Ağdam təmsilçisi barədə Bilbao şəhərində təxribat xarakterli müxtəlif yazılar və simvollar yayılıb.
"Qarabağ" klubunun mətbuat xidmətinin rəhbəri Anar Hacıyev bildirib ki, məsələ ilə bağlı dərhal "Atletik" klubunun rəhbərliyinə məlumat verilib, onlar isə məsələnin araşdırılması üçün yerli polis orqanlarına müraciət ediblər:
"Qarabağ" futbol klubu idman yarışlarının sülh, dostluq və hörmət prinsipləri üzərində qurulduğuna inanır və bu prinsipləri pozan hər hansı təxribatın yolverilməz olduğunu bildirir. Komandamız diqqətini yalnız qarşıdakı oyuna yönəldib və idman meydanında ölkəmizi layiqincə təmsil edəcək".
Qeyd edək ki, "Atletik" - "Qarabağ" oyunu oktyabrın 22-də, Bakı vaxtı ilə saat 20:45-də başlayacaq.
