İsrail ordusu adından açılan hesabdan qalmaqallı vəd...

Özünü İsrail Ordusuna aid kimi təqdim edən sosial şəbəkə hesablarından birində İran etirazçılarına İsrail təyyarələri tərəfindən havadan dəstək veriləcəyi ilə bağlı iddia irəli sürülüb.

Paylaşımda bildirilir ki, guya Israel Defense Forces İran daxilində hakimiyyətə qarşı çıxan qüvvələrə havadan yardım göstərməyə hazırdır. Lakin qeyd olunur ki, bu məlumatın həqiqiliyi hazırda təsdiqlənməyib və rəsmi mənbələr tərəfindən təsdiq və ya təkzib olunmayıb.

Məlumatın yayılması fonunda İran ətrafında informasiya müharibəsinin və psixoloji təsir cəhdlərinin gücləndiyi diqqət çəkir. Ekspertlər hesab edirlər ki, belə paylaşımlar etirazçıları təşviq etmək və ya bölgədə gərginliyi daha da artırmaq məqsədi daşıya bilər.

Hazırda İsrailin rəsmi qurumları və ya hökumət nümayəndələri sözügedən paylaşım barədə açıqlama verməyib. Məlumatın doğruluğunu yoxlamaq isə hələlik mümkün deyil.

AJMEDİA.NEWS