İsraildən sonra ABŞ də öz nümayəndələrini Qətərdən GERİ ÇAĞIRDI

ABŞ İsrail-HƏMAS danışıqlarında iştirak edən nümayəndə heyətini Dohadan geri çağırıb.

AJMEDİA.NEWS Politico-ya istinadən xəbər verir ki, məlumatı ABŞ prezidentinin Yaxın Şərq üzrə xüsusi nümayəndəsi Stiv Vitkoff açıqlayıb.

Onun sözlərinə görə, buna səbəb HƏMAS-ın qeyri-real və yeni tələblər irəli sürməsidir: “HƏMAS-ın koordinasiya olunmamış və ya pis niyyətlə hərəkət etdiyi görünür. Biz indi girovların qaytarılması və Qəzza əhalisinə daha sabit mühitin yaradılması üçün alternativlərə baxacağıq”.

Vitkoffun sözlərinə görə, HƏMAS-ın Qəzza zolağında atəşkəs əldə etmək üçün son təkliflərə cavabı qruplaşmanın döyüşləri dayandırmaq istəmədiyini nümayiş etdirir. O, qrupun bu qədər eqoist hərəkət etməsindən təəssüfləndiyini bildirib.