İsrailin öldürdüyü Husi nazirlərin adları açıqlandı

Yəməndə "Ənsar Allah" üsyançı hərəkatından olan hökumətin azı 10 üzvü avqustun 28-də İsrailin Sənaya endirdiyi zərbələr nəticəsində öldürülüb.

AJMEDIA xəbər verir ki, məlumatı TASS-a Yəmən hərəkatındakı mənbə verib.

Onun sözlərinə görə, İsrail əməliyyatının qurbanları baş nazirin müavini Cəlal ər-Ruveyşan, xarici işlər naziri Camal Amer, informasiya naziri Haşim Şərafəddin, yerli idarəetmə naziri Məhəmməd əl-Mədəni, iqtisadiyyat naziri Muin əl-Mahakri, ədliyyə naziri Mücahid Əhməd, nəqliyyat naziri Məhəmməd Kahim, əmək naziri Samir Bajala, təhsil naziri Həsən əl-Səadi və idman naziri Məhəmməd əl-Mövlid.

Bu gün Ənsar Allah hərəkatı Husilərin formalaşdırdığı hökumətin başçısı Əhməd Qalib ər-Rahavinin, eləcə də adları açıqlanmayan "bir neçə nazir yoldaşının" ölümünü rəsmən təsdiqləyib. Ölən hökumət başçısının yerinə onun birinci müavini Məhəmməd Miftah keçib.

Mənbə həmçinin bildirib ki, İsrailin endirdiyi zərbə nəticəsində daxili işlər nazirinin müavini və husilərin hökumət ofisinin rəhbəri də həlak olub. Bundan əlavə, Yəmən üsyançıları üçün hərbi əməliyyatların planlaşdırılmasına cavabdeh olan Ənsar Allah hərəkatının yüksək rütbəli üzvü Səhra əl-Şərqabinin də ölümü təsdiqlənib.//musavat.com