İsveçrə hakimiyyətindən Putinə: "Qorxma, sənə dəymərik"

İsveçrənin xarici işlər naziri İnyaçio Kassis bildirib ki, Rusiya prezidenti Vladimir Putin ölkəyə Ukrayna lideri Volodimir Zelenski ilə danışıqlar üçün gələrsə, Beynəlxalq Cinayət Məhkəməsinin (Haaqa) təqibindən qorunacaq.

AJMEDİA.NEWS xarici agentliklərə istinasdən xəbər verir ki, bu barədə France24 məlumat yayıb.

Nazirin sözlərinə görə, İsveçrə qanunvericiliyi 2024-cü ildə dəyişdirilib və beynəlxalq axtarışda olan şəxslərə sülh danışıqlarında iştirak etmək üçün ölkəyə gəldikləri halda müvəqqəti immunitet verilməsi proseduru rəsmiləşdirilib.

Beləliklə, Putinin mümkün səfəri zamanı İsveçrə onun ərazisində hüquqi toxunulmazlıqla təmin olunacağına zəmanət verir.