Keçmiş SSRİ və qonşu ölkələrdə insanlar nə qədər maaş alır? – Siyahı

Keçmiş SSRİ və qonşu ölkələr arasında orta aylıq nominal əməkhaqqına görə ilk sırada Litva qərarlaşıb.
AJMEDİA “Trade Economics”ə istinadən xəbər verir ki, Litvada orta aylıq əməkhaqqı 2 min 750 dollara (2 338 avro) bərabər olub.

Litvadan sonra ikinci sırada Estoniya yer alıb. Bu ölkədə orta aylıq əməkhaqqı 2 min 366 dollar (2 011 avro) olub. Latviya 1 582 dollar (1 345 avro) ilə 3-cü sırada qərarlaşıb.

Azərbaycan siyahıda qonşu ölkələr arasında son sırada yer alıb. Azərbaycanda orta aylıq əməkhaqqının məbləği 614 dollar (1097 manat) olub.

Onu da bildirək ki, “Trade Economics” İran, Türkmənistan və Ukrayna ilə bağlı məlumatları açıqlamayıb. Özbəkistan ilə bağlı sonuncu məlumat 2024-cü ilin dekabr ayına, Türkiyə ilə bağlı məlumat isə 2023-cü ilin dekabr ayına aiddir. Ötən ilin dekabr ayında Özbəkistanda orta aylıq əməkhaqqı 430 dollar (5 361 som) olub.

“Trade Economics”in məlumatına görə 2023-cü ilin dekabr ayında Türkiyədə orta aylıq əməkhaqqı bugünkü məzənnə ilə 585 dollar (23 789 lirə) olub. Lakin, qeyd edək ki, Türkiyədə hazırda minimum əməkhaqqı 640 dolar (26 005 lirə) təşkil edir. Dövlət sektorunda işləyənlər üçün minimum əməkhaqqı isə Türkiyədə 1 165 dollara (47 420 lirə) bərabərdir.

Keçmiş SSRİ və qonşu ölkələrdə orta aylıq nominal əməkhaqqı aşağıdakı kimi olub:

Litva – 2 750 dollar (2 338 avro) – mart 2025;
Estoniya – 2 366 dollar (2 011 avro) – mart 2025;
Latviya – 1 582 dollar (1 345 avro) – mart 2025;
Rusiya – 1 247 dollar (99 422 rubl) – may 2025;
Moldova – 872 dollar (14 568 ley) – mart 2025;
Qazaxıstan – 786 dollar (423 133 tengə) – mart 2025;
Gürcüstan – 804 dollar (2 170 lari) – mart 2025;
Belarus – 824 dollar (2 718 rubl) – iyun 2025;
Ermənistan – 776 dollar (297 624 dram) – iyun 2025;
Azərbaycan – 645 dollar (1 097 manat) – iyun 2025;
Qırğızıstan – 500 dollar (43 573 som) – may 2025;
Tacikistan – 287 dollar (2 667 somani) – aprel 2025.

yeniavaz.com