Məşhur ekstrasensdən Azərbaycanla bağlı 2026 PROQNOZLARI - MÜSAHİBƏ

2025-ci ili Azərbaycan üçün əlamətdar edən siyasi və iqtisadi hadisələr ölkəmizin öz prioritetlərini düzgün müəyyən etdiyini və doğru istiqamətdə irəlilədiyini göstərdi. Azərbaycan–Ermənistan münasibətlərində əldə olunan irəliləyişlər və mühüm diplomatik uğurlar dövlət gündəliyinin əsas istiqamətlərindən biri oldu. Bununla yanaşı, Azərbaycan bir sıra ölkələrlə tərəfdaşlıq əlaqələrini gücləndirdi, eyni zamanda əvvəllər minimal səviyyədə olan yeni beynəlxalq əlaqələrin əsasını qoydu.

2025-ci il artıq sona çatdı. Bu il ölkəmiz üçün bir neçə xoşagəlməz məqam istisna olmaqla, ümumilikdə müsbət hadisələrlə yadda qaldı. Bəs Alovlu Atı ilə simvolizə olunan 2026-cı il Azərbaycan üçün nələr vəd edir?

Gələcəyi bilmək hər zaman maraq doğurur. İnsanlar bu cür qabiliyyətlərə malik olmasalar da, yüksək həssaslığa sahib şəxslərin verdiyi proqnozlar və işarələr cəmiyyət üçün diqqətçəkici olur. Məşhur ekstrasens, medium və “Ekstrasenslər Döyüşü” layihəsinin 8-ci mövsümünün ən güclü iştirakçılarından biri olan Qalina Bağırova Minval Politika-ya verdiyi eksklüziv müsahibədə Azərbaycanla bağlı baxışlarını bölüşüb.

Həmin müsahibəni təqdim edirik:

— Gəlin kədərli faktlarla başlayaq və sonda müsbət proqnozlara keçək. Xəzər dənizi sürətlə quruyur və hələlik heç kim su ehtiyatının bərpası üçün effektiv yol tapa bilməyib. Sizcə, bu proses dönməzdir?

— Volqa çayından suyun istiqaməti dəyişdirilib və o, artıq tam şəkildə Xəzərə axmır. Bu, təbii proses deyil, insan müdaxiləsinin nəticəsidir. Bərpa məsələsində isə vaxt çox önəmlidir. Əgər daha üç il ərzində ciddi addımlar atılmasa, Xəzər dənizi çox sürətli şəkildə qurumağa başlayacaq. Dənizin geri çəkilməsi zəlzələlərin daha tez-tez və güclü baş verməsinə səbəb ola bilər, çünki dəniz seysmik titrəmələri müəyyən qədər saxlayır.

Bundan əlavə, gələcəkdə ciddi içməli su qıtlığı yaranacaq.

— Azərbaycanın perspektivləri və iqtisadi inkişafı barədə nə hiss edirsiniz? Hansı sahələrdə genişmiqyaslı inkişaf gözlənilir?

— Günəş panellərinin kütləvi şəkildə yayılacağını görürəm. Bərpa olunan enerji istehsalı üçün zavodlar tikiləcək, bu sahədə innovasiyalar inkişaf edəcək. Məişət texnikası da daxil olmaqla bir çox avadanlıqlar günəş enerjisinə keçəcək. Elektrikli nəqliyyat vasitələrinin sayı artacaq və elektrik enerjisinə alternativ mənbələr formalaşacaq. Kənd təsərrüfatı da inkişaf edəcək. Daha iri çəkili yeni qoyun cinsləri yetişdiriləcək, fermerlər istehsal həcmlərini genişləndirəcəklər.

Eyni zamanda robot texnologiyalarından geniş istifadə olunacaq. Xüsusilə hərbi sənaye, tibb və mina təmizləmə sahələrində robotlar ön plana çıxacaq. Azərbaycan ordusu ən müasir texnologiyalarla təchiz ediləcək. Hətta gələcəkdə robot yarışları keçiriləcək və bu yarışlarda Çin istehsalı robotların qalib gələcəyini görürəm.

— Çin robotlarından söz düşmüşkən, Çinin Cənubi Qafqazdakı mövqeyi necə dəyişəcək?

— Çin texnoloji tərəqqi və iqtisadi inkişaf yolu ilə səssiz şəkildə mövqelərini genişləndirir. Cənubi Qafqazda Çin şirkətlərinin sayı artacaq. Onlar Azərbaycanda yaşıl enerji layihələrində əsas investor və podratçı rolunu oynayacaqlar. Enerji şəbəkəsinin sabitliyi üçün iri batareya saxlama sistemləri, yeni yarımstansiyalar, günəş və külək elektrik stansiyaları tikiləcək.

— Azərbaycanın qonşu ölkələrlə münasibətləri hansı istiqamətdə inkişaf edəcək?

— Ermənistanla sülh əldə olunacaq və sülh müqaviləsi imzalanacaq. Bunun nəticəsində bütün sahələrdə qarşılıqlı əməkdaşlıq başlayacaq. İranla müharibə olmayacaq. Hətta Rusiya–Azərbaycan–İran arasında səssiz, amma funksional bir əməkdaşlıq formalaşacaq. İranda teokratik rejim zəifləyəcək, daha yumşaq idarəetmə forması yaranacaq. İslam qalacaq, lakin Avropa yönümlü dəyişikliklər baş verəcək və dini təzyiqlər azalacaq. Birləşmiş Ərəb Əmirlikləri turistlərə qarşı daha liberal mövqe sərgiləyəcək. ABŞ isə “Tramp marşrutu” vasitəsilə Cənubi Qafqazdakı mövcudluğunu gücləndirəcək.

— Azərbaycan–Gürcüstan quru sərhədinin açılması ilə bağlı proses niyə dayandı və gələcəkdə nə gözlənilir?

— Sərhəd mütləq açılacaq. Gürcüstan üzərindən Türkiyəyə əlavə yol açılacaq. Azərbaycan, Gürcüstan və Türkiyə arasında əlaqələr daha da genişlənəcək. “Tramp marşrutu”nun işə düşməsindən sonra Azərbaycanın quru sərhədlərinin açılması ehtimalı xeyli artacaq və yeni nəqliyyat xətləri çəkiləcək.

— Azərbaycan hansı böyük enerji proseslərində iştirak edəcək?

— İsrail və Azərbaycan arasında əməkdaşlıq çox sürətlə inkişaf edəcək.

Musavat.com