Məsud Pezeşkian: Hacı Ağa, o, indi öldü. Nə etməliyəm?!

İran Prezidenti Məsud Pezeşkianın Lorestan əyalətində keçirtdiyi görüşdə gülüş doğuran məqam olub.

AJMEDIA.NEWSxəbər verir ki, əyalətdə Ali Rəhbərin nümayəndəsi höccətülislam Seyid Əhmədrza Şahruxi administrasiya başçısına müraciətlə deyib:

"Bizim əyalət ürək, qaraciyər və ağciyər nəqlinə ehtiyacı olan və eyni zamanda, koronavirusa yoluxmuş xəstəyə bənzəyir".

Məsud Pezeşkian replikaya dərhal reaksiya verib: "Hacı ağa, əgər o artıq ölübsə, mən nə etməliyəm?!"

İran Prezidentinin sözləri zalda gülüş doğurub.

"Hələ ölməyib, çünki lor kişiləri kimi, onun cəsur və bacarıqlı insanları var. Bu əyalət mərkəzin dəstəyi ilə, milli kreditlərdən və mərkəzləşdirilmiş resurslardan kifayət qədər və effektiv istifadə ilə həqiqi və layiqli mövqeyinə çata bilər", - deyə Şahruxi qeyd edib.