MRT aparatı kişinin ölümünə səbəb oldu

ABŞ-nin Nyu-York ştatının Uestberi şəhərində yerləşən tibb müəssisəsində bədbəxt hadisə baş verib.

AJMEDİA.NEWS xəbər verir ki, bu barədə "ABC News" nəşri məlumat yayıb.

Məlumata görə, maqnit rezonans tomoqrafiyası (MRT) müayinəsindən keçən şəxsin üzərində metal boyunbağı olub. Bu səbəbdən MRT aparatı boyunbağını özünə çəkib və nəticədə kişi ağır xəsarətlər alıb. Həkimlərin bütün səylərinə baxmayaraq, onun həyatını xilas etmək mümkün olmayıb.