Mülkiyyət hüququ – Hüquqi əsaslar və aktual məsələlər - AVRAAM BERMAN

Sirr deyil ki, bu gün məhkəmə müraciətlərin çoxu məhz daşınmaz əmlakla bağlı mübahisəli prosedurla bağlıdır. Ölkəmizdə özəl mülkiyyət münaqişələri və əmlak mübahisələri necə həll edilir? Bütün bu suallara Azərbaycan Vəkillər Kollagiyasının üzvü, vəkil Avraam Berman aydınlıq gətirəcək. Əvvəlgə Avraam Berman haqqında məlumat verək:

Avraam Berman , Azərbaycan Respublikası Vəkillər Kollegiyasının üzvü. Son 15 ildir hüquq sahədə məşğul olur. Bakı Dövlət Universitetində kriminologiya üzrə bakalavr, Sankt‑Peterburq Universitetində isə mülki hüquq üzrə magistr təhsili alıb. Arbitraj, beynəlxalq kommersiya, müqavilələr və vərəsəlik hüququ sahələrində ixtisaslaşıb.
Şou-biznes nümayəndələrinin, iri biznes strukturlarının iştirakı ilə bağlı işlərdə, eləcə də ictimai rezonansa səbəb olan məhkəmə proseslərində iştirakı ilə geniş tanınmışdır. Xüsusilə AZAL aviaşirkətinə qarşı işdə, “Lukoil” şirkətinin, stilist və modelyer Anar Ağakişiyevin maraqlarının müdafiəsində, həmçinin rusiyalı biznesmen Ruben Vardanyanın cinayət işi üzrə müdafiəsi çərçivəsində məhşurlaşmışdır.

Hörmətli Avraam Berman, mülkiyyət hüququ nədir və hüquqi baxımdan hansı əsaslara dayanır?

Mülkiyyət hüququ – bir şəxsin (fiziki və ya hüquqi) maddi əşyalar üzərində tam ixtiyar sahibi olması deməkdir. Bu hüquq mülkiyyətçiyə həmin əşyadan istifadə etmək, ondan faydalanmaq və onu sərəncam vermək hüququ verir. Azərbaycanda bu hüquq Konstitusiyanın 29-cu maddəsi ilə qorunur və Mülki Məcəllə ilə tənzimlənir.

Mülkiyyət hüququnun hansı növləri mövcuddur?

Əsasən üç növ mülkiyyət hüququ var:

1. Xüsusi mülkiyyət (şəxsi) mülkiyyət

2. Dövlət mülkiyyəti

3. Bələdiyyə mülkiyyəti

Bundan əlavə, birgə mülkiyyət – yəni bir neçə şəxsin ortaq sahib olduğu əmlak da hüquqi cəhətdən tanınır.

Mülkiyyət hüququ pozulduqda vətəndaş hara müraciət edə bilər?

Mülkiyyət hüququ pozulan şəxs əvvəlcə hüquq-mühafizə orqanlarına və ya məhkəməyə müraciət etməlidir. Eyni zamanda, İnsan Hüquqları üzrə Müvəkkilə (Ombudsman) və beynəlxalq səviyyədə Avropa İnsan Hüquqları Məhkəməsinə də müraciət mümkündür, əgər daxili hüquqi yollar tükənibsə.

Azərbaycanda mülkiyyət hüququ ilə bağlı hansı əsas problemlər mövcuddur?

Əsas problemlərdən biri sənədsiz torpaq sahələri və onların qeydiyyatı ilə bağlıdır. Bəzən vətəndaşlar uzun müddət istifadə etdikləri torpaq və ya mənzil üzərində hüquqlarını qanuniləşdirə bilmirlər. Həmçinin, bəzən icra hakimiyyətləri tərəfindən qanunsuz söküntülər və ya zəbt etmə halları da baş verir ki, bu, Konstitusiya ilə ziddiyyət təşkil edir.

Mülkiyyət hüququnun qorunması üçün hansı tövsiyələr verərdiniz?

İlk növbədə, vətəndaşlar aldıqları və ya istifadə etdikləri əmlakın hüquqi sənədlərini vaxtında rəsmiləşdirməlidirlər. Əgər problem yaranarsa, gecikmədən hüquqşünasla məsləhətləşmək və hüquqi prosedurları düzgün aparmaq vacibdir.

Təşəkkür edirik, çox faydalı məlumatlar verdiniz.

Mən təşəkkür edirəm. Hüquqi maarifləndirmə cəmiyyətin inkişafı üçün vacibdir.

ajmedia.news