Peycerlərin partlaması nəticəsində ölənlərin sayı 11-ə, yaralıların sayı 4000-ə ÇATDI

Livanda peycerlərin partlaması nəticəsində ölənlərin sayı 11-ə, yaralıların sayı 4 minə çatıb.

AJMEDİA.İNFO xəbər verir ki, bu barədə Livanın səhiyyə naziri Fərras Əl-Əbyəz məlumat verib.

Məlumata görə, yaralılardan 400 nəfərinin vəziyyəti ağırdır.

Livan Hizbullahının baş katibi Həsən Nəsrullah bir müddət əvvəl bu qruplaşma üzvlərinə xəbərdarlıq etmişdi ki, mobil telefon gəzdirməkdən çəkinsinlər, çünki İsrail onları izləyə və bu telefonlar vasitəsilə məqsədyönlü hücumlar həyata keçirə bilər.